Benedictio et impositio
Scapularis Sacrorum Cordium Jesu & Mariæ

Suscepturus Scapulare genuflectit ; et Sacerdos, superpelliceo et stola alba indutus, dicit :

V. Adjutórium nostrum in nómine Dómini.

R. Qui fecit cælum et terram.

V. Osténde nobis, Dómine, misericórdiam tuam.

R. Et salutáre tuum da nobis.

V. Dómine, exáudi oratiónem meam.

R. Et clamor meus ad te véniat.

V. Dóminus vobíscum.

R. Et cum spíritu tuo.

Pro uno vel una.

Orémus.          Oratio.

Clementíssime Deus, qui ad peccatórum salútem et miserórum perfúgium Cor Fílii tui Jesu Christi caritáte et misericórdia plenum et Cor beátæ Maríæ Vírginis eídem simíllimum esse voluísti ; hoc Scapuláre in honórem et memóriam eorúmdem sacrórum Córdium gestándum bene+dícere dignéris, ut [hic fámulus tuus indútus vel hæc fámula tua indúta], méritis et intercessióne ipsíus Deíparæ Vírginis, secúndum Cor Jesu inveníri mereátur. Per eúmdem Christum Dóminum nostrum.

R. Amen.

Postea Sacerdos Scapulare aspergat aqua benedicta, illudque imponat, dicens :

Accipe, [frater vel soror], Scapuláre sacrórum Córdium Jesu et Maríæ, ut sub ejus protectióne et custódia, utriúsque sacratíssimi Cordis virtútes recoléndo et imitándo, resurrectiónis glóriæ [dignus vel digna] efficiáris. Per eúmdem Christum Dóminum nostrum.

R. Amen.

Pro pluribus.

Orémus.          Oratio.

Clementíssime Deus, qui ad peccatórum salútem et miserórum perfúgium Cor Fílii tui Jesu Christi caritáte et misericórdia plenum et Cor beátæ Maríæ Vírginis eídem simíllimum esse voluísti ; hoc Scapuláre in honórem et memóriam eorúmdem sacrórum Córdium gestándum bene+dícere dignéris, ut [hi fámuli tui indúti vel hæ fámulæ tuæ indútæ], méritis et intercessióne ipsíus Deíparæ Vírginis, secúndum Cor Jesu inveníri mereántur. Per eúmdem Christum Dóminum nostrum.

R. Amen.

Postea Sacerdos Scapulare aspergat aqua benedicta, illudque imponat, dicens :

Accípite, [fratres vel soróres], Scapuláre sacrórum Córdium Jesu et Maríæ, ut sub ejus protectióne et custódia, utriúsque sacratíssimi Cordis virtútes recoléndo et imitándo, resurrectiónis glóriæ [digni vel dignæ] efficiámini. Per eúmdem Christum Dóminum nostrum.

R. Amen.

Deinde una vice cum adscripto dicat sive latino sive vernaculo idiomate sequentes preces jaculatorias :

Cor Jesu sacratíssimum, miserére nobis.

Cor Maríæ immaculátum, ora pro nobis.