Benedictio Coronæ Pretiossimi Sanguinis

Propria Cong. Missionariorum pretiosissimi Sanguinis.

Constat corona precatoria triginta tribus granulis, in septem distinctis partes, quarum quæque quinque habet granulos, septima parte excepta, quæ tantum tres numerat ; ut ita honorentur septem Sanguinis Christi præcipuæ effusiones recitatione triginta trium Pater et septem Glória.

Sacerdos, superpelliceo et stola albi coloris indutus, dicit :

V. Adjutórium nostrum in nómine Dómini.

R. Qui fecit cælum et terram.

V. Adjutórium nostrum in nómine Dómini.

R. Qui fecit cælum et terram.

V. Redemísti nos, Dómine, in Sánguine tuo.

R. Et fecísti nos Deo nostro regnum.

V. Te ergo quæsumus, tuis fámulis súbveni.

R. Quos pretióso Sánguine redemísti.

V. Dómine, exáudi oratiónem meam.

R. Et clamor meus ad te véniat.

V. Dóminus vobíscum.

R. Et cum spíritu tuo.

Oremus.          Oratio.

Omnípotens et miséricors Deus, qui propter exímiam caritátem tuam, qua dilexísti nos, Fílium tuum unigénitum, Dóminum nostrum Jesum Christum, de cælis in terram descéndere, et de beatíssimæ Vírginis Maríæ Dóminæ nostræ útero sacratíssimo, Angelo nuntiánte, carnem suscípere voluísti, ut nos eríperes de potestáte diáboli : obsecrámus imménsam cleméntiam tuam ; ut has corónas in honórem, et laudem pretiósi Sánguinis ejúsdem Fílii tui ab Ecclésia tua fidéli dicátas bene+dícas, et sanctí+fices, eísque tantam infúndas virtútem Spíritus + Sancti, ut, quicúmque harum quámlibet secum portáverit, aut in domo sua reverénter tenúerit, ab omni hoste visíbili et invisíbili semper et ubíque in hoc sæculo liberétur, et post éxitum suum, méritis ipsíus pretiosíssimi Sánguinis, ad ætérnam beatitúdinem felíciter pervéniat. Per eúmdem Christum Dóminum nostrum.

R. Amen.

Et aspergantur aqua benedicta.