Benedictio cingulorum in honorem S. Thomæ Aquinatis

ad servandam castitatem.
Propria Ordinis Prædicatorum.

Sacerdos, superpelliceo et stola albi coloris indutus, dicit :

V. Adjutórium nostrum in nómine Dómini.

R. Qui fecit cælum et terram.

V. Dóminus vobíscum.

R. Et cum spíritu tuo.

Oremus.          Oratio.

Dómine Jesu Christe, Fili Dei vivi, puritátis amátor et custos, obsecrámus imménsam cleméntiam tuam : ut, sicut ministério Angelórum sanctum Thomam Aquinátem cíngulo castitátis cíngere, et a labe córporis ac ánimæ præserváre fecísti : ita ad honórem et glóriam ejus bene+dícere, et sancti+ficáre dignéris cíngula ista ; ut, quicúmque ipsa circa renes reverénter portáverit ac tenúerit, ab omni immundítia mentis et córporis purificétur, atque in éxitu suo per manus sanctórum Angelórum tibi digne præsentári mereátur : qui cum Patre et Spíritu Sancto vivis et regnas in sæcula sæculórum.

R. Amen.

Et aspergantur aqua benedicta.