Benedictio Candelarum

V. Adjutórium nostrum in nómine Dómini.

R. Qui fecit cælum et terram.

V. Dóminus vobíscum.

R. Et cum spíritu tuo.

Oremus.          Oratio.

Dómine Jesu Christe, Fili Dei vivi, béne+dic candélas istas supplicatiónibus nostris : infúnde eis, Dómine, per virtútem sanctæ Cru+cis, benedictiónem cæléstem, qui eas ad repelléndas ténebras humáno géneri tribuísti ; talémque benedictiónem signáculo sanctæ Cru+cis accípiant, ut quibuscúmque locis accénsæ, sive pósitæ fúerint, discédant príncipes tenebrárum, et contremíscant, et fúgiant pávidi cum ómnibus minístris suis ab habitatiónibus illis, nec præsúmant amplius inquietáre, aut molestáre serviéntes tibi omnipoténti Deo : Qui vivis et regnas in sæcula sæculórum.

R. Amen.

Et aspergantur aqua benedicta.