Sacrosánctæ

À réciter en silence après chaque Office du jour, Laudes, Tierce, Sexte, None, Vêpres et Complies :

Sacrosánctæ, et indivíduæ Trinitáti, crucifíxi Dómini nostri Jesu Christi humanitáti, beatíssimæ et gloriosíssimæ sempérque Vírginis Maríæ fœcúndæ integritáti, et ómnium Sanctórum universitáti sit sempitérna laus, honor, virtus et glória ab omni creatúra, nobísque remíssio ómnium peccatórum, per infiníta sæcula sæculórum. Amen.

V. Beáta víscera Maríæ Vírginis, quæ portavérunt ætérni Patris Fílium.

R. Et beáta úbera quæ lactavérunt Christum Dóminum.

Pater   /   Ave

O Clementíssime Jesu, grátias ago tibi ex toto corde meo. Propítius esto mihi vilíssimo peccatóri. Ego hanc actiónem óffero divíno Cordi tuo emendándam atque perficiéndam, ad laudem et glóriam sanctíssimi nóminis tui et beatíssimæ Matris tuæ, ad salútem ánimæ meæ totíusque Ecclésiæ tuæ. Amen.